Argentinac Lionel Mesi bio je strijelac gola za Majami u pobjedi nad Filadelfijom 2:1, a pogodak je proslavio u teniskom stilu.
Mesi je bio van terena od 16. marta zbog povrede aduktora, propustio je reprezentativnu akciju sa nacionalnim timom, a odmah po povratku na teren je pokazao sa koliko rutine rješava utakmice.
Njega je Havijer Maskerano uveo u igru u 55. minutu, a Mesi je dva minuta kasnije postigao gol za pobjedu.
Za mnoge manje je bilo važno kako je Mesi postigao gol, već kako ga je proslavio. Inspiracija mu je bio Novak Đoković sa kojim se nedavno vidio na turniru u Majamiju, gdje je Novak stigao do finala.
